ألوان

ألوان ألوان ألوان
ولون واحد هوا الاساس
ولا أجتماعهم سوا خلانا نحس انهم من حبهم لبعضهم واحد في الاساس

اتفرقوا ..

وراح كل واحد في اتجاه ..
كل واحد شق طريقه في الحياه ..
ولما حبوا يتجمعوا ..

اتفرقوا ..

المره دي مش ها ينفع يرجع الأبيض زي ماكان
المره دي مش هيطّلّع الابيض باقي الألوان
في لون منهم مشي وساب المكان
تاه ولا هرب .. المهم ان مكانه فضي في علبة الألوان

ألوان ألوان .. حياتنا كلها ألوان .. لون واحد بيبكي على اللي راح وبيرسم سواد
وباقي الألوان عايشه.. ولسه عايزه .. تلون الحياة

لونيها يمكن الفرح يعود
لونيها يمكن الحزن يزول
لونيها ولو اللون الغايب مارجعش .. يبقى تروحله باقي الالوان
وتبقى الحياه كامله .. ينور فيها الابيض المكان ..

يمكن ساعتها الاسود يتكسف من دموع البشر و من الآلام..

يمكن ساعتها نحس بروعة الألوان..