يعني أيه تنسى ..؟؟!

يعني لما تكون قاعد لوحدك وتسرح ما تفكرش..
يعني لما تشوفه في طريقك ماترتبكش
يعني لما يقرب منك قلبك مايدقش وماتنفعلش.
يعني لما تنام ـ بيه ـ ماتحلمش
يعني لما تشوفه مع غيرك ماتنشغلش
يعني لما يتكلم ماتنتبهش
يعني يبقى وجوده زي عدمه ماتفرقش
يعني لما تفتكره تحس انه ماضي ومارجعش
يعني لما يبصلك ماتفرحش
ولما يبعد عنيه عنك ماتزعلش
يعني لو عرفت أخباره أو ماعرفتش ماتسألش
يعني اللي كنت بتعمله زمان بقى مابيتعملش

***

يعني اللي كنت بتحس بيه زمان خلاص خلص وفات
والزمن أخده ومات
وألوان السما اللي كنت بتشوفها بقت واحد مش فئات
يعني هتنسى احساسك معاه و مش هتنساه .. هتفضل دايما فاكرله انه دخل قلبك ومات ..