.jpg)
أحلام شفافة
في ماسه بتلمع أوي..
مش موجودة
مش عارفه أحطها فين.. محتاره في مكانها ..مع انها..
مش موجودة
فيها ضوء ازرق من بعيد مش باين .. وأطياف ألوان كتير مش عارفة تخرج .. محبوسة جواها ... مع انها
مش موجودة
بتسحر العين.. لما تشوفها .. تفتكرها هتنور الدنيا بوجودها.. وهي
مش موجودة
سعات تحس بلهفة عايز تمتلكها , تلمسها وتيجي تمسكها تلاقيها ..
مش موجودة
كتير لاقوها وناس حسوها بس الحقيقة انها..
مش موجودة
عارفين ليه القدر خلانا نحس بوجودها ؟ عشان بس ... منرجعش نقول انها ..
مش موجودة
الماسة دي كبيره أوي .. مش كلنا شايفينها ..مش لأنها
مش موجودة
لأ لأن الماسة بطبيعتها شفافه من جوا .. وهما جواها ..بس لو شافوها من بره.. هيلاقوها برده
مش موجودة
أصل المشكله مش في الماسة .. المشكله في عيون اللي بيشوفوها ...
0 التعليقات:
إرسال تعليق